Am Fasnachts-Määntig spöteschtens ab de Zääne (22 Uhr fyr die ussem grosse Kanton) styygt bi uns im Käller ä Party fyr jedermaa und -frau.
Mä munggelt, dass näbscht deere Stimmigskanoone zu spöterer Stund au no e Gugge im Käller spyyle wird und wär weiss evtl. kunnt au no e Bangg.
Uff jede Fall spyyle mir, d Schotte Clique ä glai Konzärtli um Mitternacht vorem Keller in dr Räbgass und derno kemme mir in Käller.
Mir Schotte und s Käller Team unter dr Leityg vo dr Christine und em Christoph wurde sich ryysig über Eure Bsuech fraie!